Ըստ լրատվամիջոցի՝ Վիկտոր Օրբանը վաղը Մոսկվա կժամանի
Հունգարիայի վարչապետ Վիկտոր Օրբանը Կիև այցից մի քանի օր անց վաղը կժամանի Մոսկվա։ Տեղեկությունը տարածում են Ուկրաինական լրատվամիջոցները:
ԶԼՄ-ների տեղեկություններով՝ նրա հետ Ռուսաստանի մայրաքաղաք կժամանի նաեւ Հունգարիայի արտաքին գործերի նախարար Պետեր Սիյարտոն։
Բացի այդ, Հունգարիայի վարչապետի մամուլի ծառայության ղեկավարը հայտնել է, որ Օրբանը հուլիսի 5-ին և 6-ին կմասնակցի Ադրբեջանում կայանալիք Թյուրքական պետությունների կազմակերպության գագաթնաժողովին։
Վերջին անգամ Հունգարիայի վարչապետը Պուտինի հետ հանդիպել է անցյալ տարվա հոկտեմբերին Չինաստանում։