Ըստ լրատվամիջոցի՝ Ֆրանսիայում ձերբակալվել է 16-ամյա դեռահաս, ով իբր ահաբեկչություն էր նախապատրաստում Փարիզում ծրագրված ամառային Օլիմպիական խաղերին
Ֆրանսիայում ձերբակալվել է 16-ամյա դեռահաս, ով իբր ահաբեկչություն էր նախապատրաստում Փարիզում ծրագրված ամառային Օլիմպիական խաղերի ժամանակ։ Տեղեկությունը տարածում են տեղական լրատվամիջոցները։
Դեռահասը ձերբակալվել է այն բանից հետո, երբ նա սոցցանցերում հրապարակել է, որ ծրագրում է Օլիմպիական խաղերում «շահիդների գոտի» պատրաստել «Իսլամական խալիֆայության համար նահատակվելու համար»:
Ըստ անանուն աղբյուրի՝ դեռահասը ահաբեկչություն էր ծրագրում «Դիֆենս» մարզադաշտում։
Գործը հետաքննում է Ֆրանսիայի ազգային հակաահաբեկչական դատախազությունը։
Ներկայումս ձերբակալված դեռահասը գտնվում է ոստիկանական բաժանմունքում, որտեղ իրավապահները պարզում են՝ արդյոք նրա սպառնալիքն իրական էր, թե ոչ։ Հաղորդվում է, որ դեռահասին բռնել են ծնողների տուն։ Ձայնագրությունները, որտեղ նա գրում է «Իսլամական պետությանը» իր հավատարմության մասին, հեռացվել են։
Տեղեկության համար՝ մինչ այդ Ֆրանսիայի ներքին անվտանգության գլխավոր վարչությունը հայտարարել էր, որ անհանգստացած է Փարիզում Օլիմպիական խաղերի բացման արարողության ժամանակ ահաբեկչությունների հնարավորությամբ։