Հոկտեմբերի 4-ին կայանալիք տեղական ինքնակառավարման ընտրությունների՝ մունիցիպալիտետի ներկայացուցչական մարմնի (սակրեբուլո) և ինքնակառավարվող քաղաքի/մունիցիպալիտետի ղեկավարի (քաղաքապետի) համար քաղաքական կուսակցությունների գրանցման գործընթացն ավարտվել է։

Կենտրոնական ընտրական հանձնաժողովի (ԿԸՀ) տվյալներով՝ ընտրական վարչակազմը վերանայել է բոլոր ներկայացված հայտերն ու համապատասխան փաստաթղթերը։ Արդյունքում գրանցվել է 14 կուսակցություն, որոնք ստացել են ընտրություններին մասնակցելու իրավունք։ Ընդհանուր առմամբ ԿԸՀ-ին դիմել է 17 կուսակցություն, սակայն երեքին մերժվել է գրանցումը՝ օրենքով սահմանված պահանջները չկատարելու պատճառով։

Քաղաքական կուսակցությունների համար հաջորդ փուլը ներառում է կուսակցական ցուցակների, մեծամասնական և քաղաքապետի թեկնածուների առաջադրումը, որը կուսակցությունը պետք է ներկայացնի համապատասխան ընտրական հանձնաժողովին (ոչ ուշ քան սեպտեմբերի 4-ը), որից հետո կսկսվի ներկայացված փաստաթղթերի ստուգման և գրանցման գործընթացը։

2025 թվականի հոկտեմբերի 4-ի ընտրություններին մասնակցող կուսակցությունների ցանկը՝ ընտրական համարներով.

• «Պահպանողականները Վրաստանի համար» (3)

• «Հայրենիք, Լեզու, Հավատք» (1)

• «Ժողովրդական իշխանություն» (14)

• «Ուժեղ Վրաստան – Լելո» (9)

• «Գախարիան Վրաստանի համար» (25)

• «Վրացական երազանք» (41)

• «Գիրչի» (36)

• «Վրաստան» (11)

• «Ձախերի դաշինք» (10)

• «Վրաստանի հայրենասերների դաշինք» (8)

• «Վրացական միասնություն» (4)

• «Կանաչների կուսակցություն» (12)

• «Մեր միավորված Վրաստան» (5)

• «Ազատ Վրաստան» (7)