Խորհրդարանի ընթացակարգային հարցերի հանձնաժողովի նախագահի առաջին տեղակալ, Գուրամ Մաճարաշվիլիի հայտարարությամբ, ակնկալիք կա, որ հաշվի առնելով իրական իրավիճակը, ընդդիմությունը կտեսնի, որ նրանց անհրաժեշտ է պահպանել քաղաքական կարգավիճակը, որպեսզի նախ պատրաստվեն ինքնակառավարման մարմինների ընտրություններին, ապա խորհրդարանական ընտրություններին:

Լրագրողների հետ զրույցում Գուրամ Մաճարաշվիլին արձագանքել է բանակցային գործընթացին և ասել, որ երկիրը համաձայնության կարիք ունի: Պատգամավորի խոսքով, ընդդիմության ընտրողների դիրքորոշումը խորհրդարանում իշխող թիմին հակադրելն է, այլ ոչ թե փողոցում:

«Քաղաքականության մեջ փոխզիջումը ուժ է, ոչ թե թուլություն: Քրիստիան Դանիելսոնը Եվրամիության ներկայացուցիչն է, և բնական է, որ նրա համար ելակետային կլինի խորհրդարանական ընտրությունների վերաբերյալ եվրոպական կառույցների որոշումների գնահատումը, որ այդ ընտրությունները օրինական էին: Ընդդիմության պահանջները ընտրական համակարգի վերաբերյալ, կամ արդարադատության հետ, մենք այս ուղղությամբ կոնկրետ քայլեր ենք ձեռնարկել: Համոզված եմ, որ Եվրամիությունը դա տեսնում է և գնահատում: Մեր կողմից սա առավելագույն փոխզիջումն է, որը կարելի է անել: Ինչ վերաբերում է ընդդիմությանը, ապա նրանց փոխզիջումը կարող է լինել գնահատել այն իրողությունը, որում ապրում է Վրաստանը», – ասաց Մաճարաշվիլին: