Ընդունել ենք օրենսդրական փոփոխություն, որը կապահովի ամեն տարի կենսաթոշակի ավելացումը, որպեսզի ընտրություններից ընտրություններ կենսաթոշակների ավելացման հարցը չլինի քաղաքական շահարկումների առարկա. Գիորգի Գախարիա
Ինչպես գիտեք, մենք կենսաթոշակառուների մասում, ընդունել ենք օրենսդրական փոփոխություն, որը կապահովի կենսաթոշակների տարեկան բարձրացում և այդ աճը կապված է տնտեսական աճի ցուցանիշի հետ,- այս մասին Վրաստանի վարչապետի պաշտոնակատար Գիորգի Գախարիան հայտարարել է, «Վրացական երազանք» խմբակցության անդամների հետ հանդիպման ժամանակ:
Գախարիայի պարզաբանմամբ, այս փոփոխությունը միայն մեկ նպատակ ուներ, ընտրություններից ընտրություն կենսաթոշակի ավելացման հարցը չլիներ քաղաքական շահարկումների առարկա:
«Իհարկե, սոցիալապես անապահովների հատվածում բարեփոխումները պետք է իրականացվեն, ինչպես նպատակային որակի, այնպես էլ անձամբ ծավալի տեսանկյունից և այդ ուղղությամբ աշխատում է առողջապահության նախարարությունը, մենք մոտ ժամանակներս կունենանք կոնկրետ արդյունքներ», – հայտարարել է Գիորգի Գախարիան:
Գախարիան պատասխանել է նաև պատգամավորների կողմից կենսաթոշակային ծառայության մասին առաջադրված հարցին և նշել, որ պայմանավորվածություն է ձեռք բերվել մի կոնկրետ բանկի հետ, որը կենսաթոշակներ է տրամադրում և այսօրվա տվյալների համաձայն, բանկը պարտավոր է տաս օրվա ընթացքում վերաբաշխել կենսաթոշակառուներին, որպեսզի բոլորը մի օրում չստանան կենսաթոշակը:
«Բանկը կենսաթոշակառուներին թոշակը կփոխանցի ոչ թե տարկետմամբ, այլ կենսաթոշակն ավելի շուտ տալու առումով: Դա անհրաժեշտ դարձավ առաջին հերթին վարակի կանխարգելման տեսանկյունից, քանի որ բարձր ռիսկի մարդիկ ՝ տարեցները, հավաքվում էին մի տեղում», – հայտարարել է Գիորգի Գախարիան:
