Ընդդիմության միասնությունը չի խախտվելու, քանզի բոլորս մեկ հարթակում ենք. Խատիա Դեկանոիձե
«Չեմ կարծում, որ ընդդիմության միասնությունը կխախտվի, քանի որ մենք բոլորս նույն հարթակում ենք, ինչը նշանակում է, որ այս խորհրդարանն անօրինական է»,- այս մասին հայտարարել է «Ազգային շարժման» անդամ, Խատիա Դեկանոիձեն:
Նրա խոսքով, ոչ մի ընդդիմադիր չի օգտագործի մանդատը:
«Այս պահին ոչ մի ընդդիմադիր կուսակցության առաջնորդ կամ կուսակցություն չի գտնում, որ այս խորհրդարանը, որը կեղծված ընտրությունների արդյունքում է և անօրինական, բխում է վրաց ժողովրդի շահերից: Վստահ եմ, որ մենք լիովին համախմբված ենք այս դիրքորոշման շուրջ: Ես չեմ օգտագործի մանդատը և համոզված եմ, որ իմ ընկերների ճնշող մեծամասնությունը, գրեթե բոլորը և ընդդիմադիր կուսակցություններից ոչ մեկը չի օգտագործի այն, եթե չնշանակվեն նոր ընտրություններ»,- հայտարարել է Դեկանոիձեն: