Պետք է շատ մոտ լինի այն ժամանակը, երբ մենք կկարողանանք ներել միմյանց, հաշտվել, նորից սկսել միմյանց հասկանալ, ապրել և կրկին հպարտանալ միմյանցով,- քաղաքացիներին դիմելով ասաց Աբխազիայի կառավարության նախագահ Լևան Մգալոբլիշվիլին։

Նրա խոսքով, հիմա ժամանակն է միմյանց նկատմամբ մեծ քայլեր անելու։

«Իմ ժողովուրդ, ես ուզում եմ ձեզ դիմել աբխազերենով։ Ես հատկապես սիրում եմ այս լեզուն, քանի որ մայրս աբխազուհի է։ Դիմում եմ Ձեզ՝ Աբխազիայի կառավարության նորընտիր նախագահ, ծնված Աբխազիայում և ներկայումս ձեզանից ժամանակավորապես բացակայող։ Պետք է շատ մոտ լինի ժամանակը, երբ մենք կկարողանանք ներել միմյանց, հաշտվել, նորից սկսել միմյանց հասկանալ, ապրել ու հպարտանալ միմյանցով, միմյանց ավանդույթներով, մշակույթով, խիզախությամբ։ Ոչ ոք առանց ցավի չի թողել այդ տարիները, բայց մենք կարող ենք վերադառնալ մեր սկզբին՝ մեր միասնությանը, ինչը նշանակում է մեր արժանապատիվ համակեցություն։

Ես կավարտեմ ձեզ համար շատ հայտնի տեքստով՝ ինչ թշնամանք է ոչնչացնում, սերը կառուցում է։ Հիմա սիրո ժամանակն է, որպեսզի մենք նորից միասին լինենք և մեծ քայլեր անենք միմյանց հանդեպ»,- ասել է Մգալոբլիշվիլին։