Դոնալդ Տուսկ. Ռուսաստանը պատրաստվում է էսկալացիայի, առաջիկա ամիսները կրիտիկական են լինելու
Լեհաստանի վարչապետ Դոնալդ Տուսկը հայտարարել է, որ առկա են բազմաթիվ ազդանշաններ, որոնք նշում են Ռուսաստանի կողմից հնարավոր էսկալացիային լուրջ նախապատրաստվելու մասին։
Նրա խոսքով՝ առաջիկա յոթ-ութ ամիսները, հնարավոր է, կրիտիկական լինեն Ուկրաինայի, Լեհաստանի և ամբողջ տարածաշրջանի անվտանգության համար։
Լրագրողները Լեհաստանի վարչապետին հարցրել են Մոսկվա Ջոն Ռետկլիֆի վերջին այցի մասին։ Տուսկի խոսքով՝ Լեհաստանը մշտական կապի մեջ է ԱՄՆ Կենտրոնական հետախուզական վարչության (ԿՀՎ) ղեկավարության հետ, և Ռետկլիֆի ակտիվության մասին տեղեկատվությունը անակնկալ չի եղել։
«Մենք մշտական կապի մեջ ենք Կենտրոնական հետախուզական վարչության ղեկավարության հետ, ուստի մեզ չի զարմացնում Կենտրոնական հետախուզական վարչության ղեկավարի գործողությունների և միջոցառումների վերաբերյալ որևէ տեղեկատվություն», — նշել է Լեհաստանի վարչապետը։
Դոնալդ Տուսկի խոսքով՝ անվտանգության հարցերի հետ կապված որոշակի տեղեկություններ պետք է գաղտնի մնան, սակայն դա չի նշանակում, որ հանրությանը չպետք է տեղեկատվություն տրամադրվի կարևորագույն սպառնալիքների մասին։
Տուսկը նշել է, որ այժմ խոսքը միայն ԱՄՆ Կենտրոնական հետախուզական վարչության տնօրենի Մոսկվա կատարած այցին չի վերաբերում։
«Վերջին շաբաթների ընթացքում ի հայտ են գալիս բազմաթիվ հանրային ազդանշաններ Ռուսաստանի կողմից էսկալացիայի նախապատրաստման մասին։ Ռուսաստանի համար այս աշունն ու ձմեռը պետք է առանցքային դառնան», — նշել է Տուսկը։