Դոնալդ Թրամփն ասում է, որ ԱՄՆ «խաղաղության ծրագիրը» վերջնական առաջարկ չէ
ԱՄՆ նախագահ Դոնալդ Թրամփն ասել է, որ իր «խաղաղության ծրագիրը» վերջնական չէ: Նա այս խոսքերն ասել է Սպիտակ տան բակում լրագրողների հետ զրույցի ժամանակ:
Թրամփին հարցրել են, թե արդյոք 28 կետից բաղկացած ծրագիրը վերջնական է, որին նա բացասական պատասխան է տվել:
«Ոչ: Մենք ուզում ենք խաղաղություն հաստատել, դա պետք է տեղի ունենար վաղուց: Ուկրաինայի պատերազմը Ռուսաստանի հետ երբեք չպետք է տեղի ունենար: Եթե ես նախագահ լինեի, դա երբեք տեղի չէր ունենա: Մենք փորձում ենք վերջ դնել դրան: Այս կամ այն կերպ, մենք պետք է վերջ դնենք դրան», – ասել է Թրամփը:
Ամերիկացի առաջնորդին նաև լրագրողը հարցրել է, թե ինչ կլինի, եթե Զելենսկին հրաժարվի:
Ըստ Թրամփի, այդ դեպքում Զելենսկին «կարող է շարունակել պայքարել ամբողջ ուժով»:
Դոնալդ Թրամփը նախկինում հայտարարել է, որ ինքը ծրագիր ունի, խաղաղության ուղի, Զելենսկին պետք է համաձայնվի դրան: