Դոնալդ Թրամփը պնդում է, որ ինքը ճնշում է գործադրել Մակրոնի վրա՝ Ֆրանսիայում դեղերի գները բարձրացնելու համար
President Donald Trump speaks during a meeting with the White House task force on the 2026 FIFA World Cup in the Oval Office of the White House, Monday, Nov. 17, 2025, in Washington. (AP Photo/Evan Vucci)
ԱՄՆ նախագահ Դոնալդ Թրամփը հայտարարել է, որ ճնշում է գործադրել Ֆրանսիայի վրա՝ դեղերի գները բարձրացնելու համար։
Թրամփն ասել է, որ Փարիզին սպառնացել է ԱՄՆ ներմուծվող բոլոր ֆրանսիական ապրանքների վրա 25 տոկոս մաքսատուրքով։
Վաշինգտոնի Քենեդի կենտրոնում Կոնգրեսի հանրապետական անդամների հետ հանդիպման ժամանակ Թրամփը խոսել է Ֆրանսիայի նախագահ Էմանուել Մակրոնի հետ երկու երկրների միջև դեղերի գների անհամապատասխանության վերաբերյալ իր բանակցությունների մասին։ Թրամփը նշել է, որ Մակրոնին ասել է, որ Ֆրանսիան պետք է բարձրացնի գները, քանի որ ամերիկացիները դեղատոմսով դեղերի համար 14 անգամ ավելի շատ են վճարում, քան ֆրանսիացի սպառողները։
Թրամփն ասել է, որ Ֆրանսիայի նախագահին վերջնագիր է ներկայացրել. կամ նա կհամաձայնվի ԱՄՆ պահանջների հետ, կամ կբախվի ֆրանսիական ապրանքների, այդ թվում՝ գինիների և շամպայնի վրա 25 տոկոս մաքսատուրքի։
«Էմանուելն ինձ ասաց. «Դոնալդ, դու գործարք ունես։ Ես ուզում եմ իմ դեղերի գինը բարձրացնել 200 տոկոսով։ Ես ուրախ կլինեմ դա անել, դա մեծ պատիվ կլինի։ Դոնալդ, խնդրում եմ, մի՛ ասա հանրությանը, աղաչում եմ քեզ», – ասել է Դոնալդ Թրամփը։