ԱՄՆ նախագահ Դոնալդ Թրամփը նախատեսում է կրճատել Ռուսաստանին տրված 50-օրյա ժամկետը հրադադարի համար։

Ինչպես նախագահը լրատվամիջոցներին ասել է Մեծ Բրիտանիայի վարչապետ Քիր Սթարմերի հետ Շոտլանդիայում անձնական հանդիպումից առաջ, նա շատ հիասթափված է Ռուսաստանի նախագահից։

Թրամփն ասում է, որ նոր ժամկետ կհայտարարի 10-12 օրից։

«Ես բազմիցս խոսել եմ Պուտինի հետ։ Ես միշտ լավ հարաբերություններ եմ ունեցել նրա հետ։ Մենք այդ մասին խոսել ենք չորս կամ հինգ անգամ։ Մենք կարծում էինք, որ ամեն ինչ կարգին է։ Եվ հետո նախագահ Պուտինը դուրս է գալիս և սկսում է հրթիռներ արձակել որևէ քաղաքի վրա, օրինակ՝ Կիևի, և սպանում է շատ մարդկանց, լինի դա ծերանոցում, թե որևէ այլ տեղ։ Փողոցներում դիակներ կան։ Ես ասացի, որ այդպես չի արվում։ Ես շատ հիասթափված եմ նախագահ Պուտինից։ Ես կրճատելու եմ նրան տված 50 օրը, քանի որ կարծում եմ, որ արդեն գիտեմ պատասխանը, թե ինչ է լինելու», – ասել է Թրամփը։