Դոնալդ Թրամփը հայտարարում է, որ ցանկանում է վերջ դնել Իրանի միջուկային ծրագրի հետ կապված խնդրին այնպես, որ Իրանը լիովին հրաժարվի միջուկային զենքից
ԱՄՆ նախագահ Դոնալդ Թրամփը հայտարարում է, որ ցանկանում է իրականում վերջ դնել Իրանի միջուկային ծրագրի հետ կապված խնդրին։
Դոնալդ Թրամփը լրագրողներին ասել է Կանադայից մեկնելուց հետո։ Թրամփի մեկնաբանությունները տարածել է CBS News-ի լրագրող Ջենիֆեր Ջեյքոբսը X սոցիալական ցանցում։
«Ես չեմ ասել, որ հրադադար եմ փնտրում», – ասել է Թրամփը։
Թրամփն ասել է, որ ցանկանում է իրականում վերջ դնել խնդրին, որպեսզի Իրանը լիովին հրաժարվի իր միջուկային զենքից։ Նա ասել է, որ իսրայելցիները չեն դանդաղեցնում Իրանի ռմբակոծությունները։
«Դուք կիմանաք հաջորդ երկու օրերի ընթացքում, ոչ ոք չի դանդաղեցնում», – ասել է Թրամփը։
ԱՄՆ նախագահը նշել է, որ Կանադայից իր վաղաժամ մեկնելու պատճառն այն է, որ ինքը պետք է հիմա Սպիտակ տանը լիներ՝ ավելի լավ տեղեկացված լինելու ընթացիկ իրադարձությունների մասին։
Խոսելով Իրանի միջուկային ծրագրի շուրջ բանակցությունների մասին՝ Թրամփն ասել է, որ դեռ չի որոշել, թե ում կուղարկի որպես բանակցող՝ հատուկ ներկայացուցիչ Սթիվ Ուիթաքերին, թե՞ փոխնախագահ Ջեյ Դի Վենսին։
«Դա կախված է նրանից, թե ինչ կպատահի, երբ ես վերադառնամ Վաշինգտոն», – ասել է Դոնալդ Թրամփը։
Ինչպես նշել է ԱՄՆ նախագահը, Իրանը հասկանում է, որ ԱՄՆ զինված ուժերի դեմ ցանկացած գործողություն կհանդիպի ԱՄՆ-ի կողմից ուժեղ արձագանքի։
Երբ լրագրողը հարցրեց, թե արդյոք ԱՄՆ-ի միջամտությունը կոչնչացնի Իրանի միջուկային ծրագիրը, Թրամփը պատասխանեց, որ հույս ունի, որ այդ ծրագիրը կոչնչացվի շատ ավելի շուտ։