Դոնալդ Թրամփը հայտարարել է, որ Սի Ցզինպինի հետ հանդիպման ժամանակ արհեստական ինտելեկտի վերաբերյալ տարբեր համաձայնությունների կհասնեն
ԱՄՆ նախագահ Դոնալդ Թրամփը հայտարարել է, որ լավ հարաբերություններ ունի Չինաստանի նախագահ Սի Ցզինպինի հետ և հաջորդ շաբաթ Սպիտակ տանը նրա հետ «շատ լավ հանդիպում» կունենա։
Թրամփը նշել է, որ Սպիտակ տան խնջույքների սրահը դեռևս բաց չէ, հակառակ դեպքում, նրա խոսքով, միջոցառմանը կմասնակցեր մինչև 2000 հյուր, բայց հիմա, ըստ Թրամփի, միայն մի փոքր սենյակ է հասանելի, որը կարող է տեղավորել մոտ 125 մարդ։
«Կարող եք ուղղակիորեն ասել, որ հազարավոր մարդիկ ցանկանում էին ներկա գտնվել այս ընթրիքին։ Ես շատ մտերիմ ընկերներիս ասել եմ՝ դուք պարզապես չեք կարող գալ», – ասել է ԱՄՆ նախագահը։
Արհեստական բանականության հետ կապված հնարավոր համաձայնությունների մասին հարցին Թրամփը պատասխանել է, որ տարբեր համաձայնություններ կկնքվեն, և հանդիպումները կլինեն «բավականին նշանակալից»։ Թրամփը նաև հիշել է առևտրային մաքսատուրքերի հարցը։ Նա ասել է, որ դրանք «չափազանց վնասակար» են Չինաստանի համար, ապա նվազեցվել են։