Դոնալդ Թրամփը հայտարարել է, որ Չինաստանը չի ցանկանում, որ Իրանը միջուկային զենք ունենա

Չինաստանը կպատվիրի 200 Boeing ինքնաթիռ, Fox News-ին տված հարցազրույցում ասել է ԱՄՆ նախագահ Դոնալդ Թրամփը։

«Մի բան, որի հետ Չինաստանի նախագահն այսօր համաձայնվել է, այն է, որ նա պատրաստվում է պատվիրել 200 ինքնաթիռ։ Սա մեծ գործ է՝ Boeing-ներ, 200 մեծ նավ։ Սա շատ աշխատատեղեր են», – ասել է Թրամփը։

Ըստ Թրամփի՝ Չինաստանը նաև համաձայնվել է գնել ամերիկյան նավթ։

«Մենք կսկսենք չինական նավեր ուղարկել Տեխաս, Լուիզիանա և Ալյասկա։ Սա այն բաներից մեկն է, որը նրանց իսկապես անհրաժեշտ է՝ էներգիա։ Մենք անսահմանափակ էներգիա ունենք», – ասել է Թրամփը։

Ըստ ԱՄՆ նախագահի՝ Չինաստանը չի ցանկանում, որ Իրանը միջուկային զենք ունենա։

«Ես չեմ կարծում, որ Չինաստանը ցանկանում է, որ Իրանը միջուկային զենք ունենա», – ասել է Թրամփը։

Խոսելով Սի Ցզինպինի մասին՝ Թրամփն ասել է, որ Չինաստանի նախագահը շատ խելացի և ջերմ մարդ է։

«Նա շատ խելացի մարդ է։ Մենք լավ հարաբերություններ ունենք։ Նա ամբողջությամբ կենտրոնացած է բիզնեսի վրա։ Ոչ մի խաղ, և դա լավ բան է», – ասել է Թրամփը։

Միևնույն ժամանակ, Թրամփը հայտարարեց, որ Իրանի նկատմամբ իր համբերությունը սպառվում է։

«Ես այլևս շատ համբերատար չեմ լինելու։ Նրանք պետք է գործարք կնքեն։ Ցանկացած ողջամիտ մարդ կկնքի գործարք, բայց նրանք կարող են խելագարվել», – ասաց նա։

Հարցազրույցի վերջում Թրամփը ԱՄՆ-ին և Չինաստանին անվանեց «Մեծ երկուս» և նշեց, որ դա «պատմական գագաթնաժողով» էր, որը պատմության մեջ կմտնի որպես «շատ կարևոր պահ»։