Դոնալդ Թրամփը չեղյալ է հայտարարել Էնթոնի Բլինքենի և Ջեյք Սալիվանի գաղտնի տեղեկատվության հասանելիությունը
ԱՄՆ նախագահ Դոնալդ Թրամփը չեղարկել է նախկին պետքարտուղար Էնթոնի Բլինքենի և ազգային անվտանգության նախկին խորհրդական Ջեյք Սալիվանի անվտանգության թույլտվությունները։ Այս մասին հայտնում է Reuters-ը՝ վկայակոչելով Սպիտակ տանը։
Բացի այդ, Թրամփը չեղարկել է Բայդենի վարչակազմի գլխավոր դատախազի տեղակալ Լիզա Մոնակոյի մուտքը գաղտնի նյութերի, ով աշխատել է հունվարի 6-ին Կապիտոլիումի գրոհի գործով, ինչպես նաև Նյու Յորքի գլխավոր դատախազ Լետիտիա Ջեյմսին և Մանհեթենի շրջանային դատախազ Ալվին Բրագին, որոնք ղեկավարում էին Թրամփի դեմ հետաքննությունը։
Ավելի վաղ Դոնալդ Թրամփը հայտարարել էր, որ չեղարկել է նախկին նախագահ Ջո Բայդենի գաղտնի տեղեկատվության հասանելիությունը և դադարեցրել է նրան ամենօրյա հետախուզական ճեպազրույցներ տալը։
Հատկանշական է, որ 2021 թվականին՝ նախագահի պաշտոնը ստանձնելուց հետո, Բայդենը չեղարկել է Դոնալդ Թրամփի գաղտնի տեղեկատվության հասանելիությունը։