ԱՄՆ նախագահ Դոնալդ Թրամփը ասում է, որ Մինեսոտայում կայացած հանրահավաքին մասնակցած մարդկանցից մի քանիսը պրոֆեսիոնալ ագիտատորներ և անարխիստներ են: Դոնալդ Թրամփը այս մասին գրել է սոցիալական ցանցերում:

«Իմմիգրացիոն և մաքսային ծառայությունը աշխարհի ամենադաժան հանցագործներին դուրս է հանում մեր երկրից և ուղարկում նրանց տուն, որտեղ նրանք պետք է լինեն: Ինչո՞ւ է Մինեսոտան դեմ դրան: Արդյո՞ք նրանք իսկապես ուզում են, որ մարդասպաններն ու թմրավաճառները ապրեն իրենց համայնքում: Բողոքող ավազակների թվում են բազմաթիվ բարձր վարձատրվող պրոֆեսիոնալ ագիտատորներ և անարխիստներ: Արդյո՞ք սա իսկապես այն է, ինչ Մինեսոտան ուզում է: Կեղծ նահանգապետը և «կոնգրեսական» Օմարը, որն ամուսնացել է իր սեփական եղբոր հետ, չեն հետաքրքրվում, քանի որ դա շեղում է ուշադրությունը նահանգում տեղի ունեցած 18 միլիարդ դոլարի խարդախությունից», – գրել է Թրամփը սոցիալական ցանցերում:

Հիշեցնենք, որ Մինեապոլիսում լայնածավալ ցույցերը սկսվել են այն բանից հետո, երբ հունվարի 7-ին ներգաղթի և մաքսային ծառայության (ICE) գործակալը կրակել և սպանել է մի կնոջ մեքենայի մեջ՝ գործողության ժամանակ: