Դոնալդ Թրամփ. Ես ֆինանսների նախարար Սքոթ Բեսանտին ուղարկում եմ Ուկրաինա՝ Զելենսկու հետ հանդիպման համար, այս պատերազմը պետք է ավարտվի մոտ ապագայում
ԱՄՆ նախագահ Դոնալդ Թրամփը հաստատել է, որ ԱՄՆ ֆինանսների նախարար Սքոթ Բեսանտը կայցելի Ուկրաինա։
Թրամփը նշել է, որ այցի շրջանակներում Բեսանտը բանակցություններ կվարի Ուկրաինայի նախագահ Վլադիմիր Զելենսկու հետ։
«Ես ֆինանսների նախարար Սքոթ Բեսանտին ուղարկում եմ Ուկրաինա՝ հանդիպելու նախագահ Զելենսկու հետ։ Այս պատերազմը պետք է ավարտվի մոտ ապագայում, կան չափից շատ զոհեր ու ավերածություններ։ Երբ Ամերիկան ուժեղ է, աշխարհը խաղաղ է»,- գրել է Թրամփը սոցցանցերի իր էջում։
Ինչպես հայտնում է Bloomberg-ը, Բեսանտը կարող է ժամանել Ուկրաինա՝ նախնական բանակցությունների «համաձայնագրի» շուրջ, որով ԱՄՆ-ը որոշակի արտոնություններ կստանա Ուկրաինայից՝ ռազմական օգնության դիմաց։
Անցյալ շաբաթ Թրամփը հայտարարել էր, որ ԱՄՆ նախագահը կշարունակի ռազմական օգնություն տրամադրել Ուկրաինային, եթե նրան թույլ տրվի օգտվել Ուկրաինայի հազվագյուտ օգտակար հանածոների պաշարներից։
Ի գիտություն, Ուկրաինան ունի ուրանի, լիթիումի և տիտանի ամենամեծ պաշարները։