Դոնալդ Թրամփ – USAID-ը ղեկավարվում էր արմատական խելագարների կողմից
USAID-ը ղեկավարում էին արմատական խելագարները, ասել է ԱՄՆ նախագահ Դոնալդ Թրամփը։
Լրագրողների հետ զրույցում Թրամփը նշել է, որ քանի դեռ USAID-ի ապագայի վերաբերյալ վերջնական որոշում չի կայացվել, իր վարչակազմը «խելագարներին» կհեռացնի գործակալությունից։
«USAID-ը ղեկավարվում էր խելագար արմատականների կողմից, և մենք ազատվում ենք նրանցից: Եվ հետո մենք որոշում կկայացնենք»,- ասել է Թրամփը։
Բացի այդ, ամերիկացի միլիարդատեր և ԱՄՆ կառավարության արդյունավետության դեպարտամենտի ղեկավար Իլոն Մասկը հայտարարել է, որ Միացյալ Նահանգների միջազգային զարգացման գործակալությունը (USAID) չարիք է։ Մասկը ԱՄՆ Միջազգային զարգացման գործակալությանը հանցավոր կազմակերպություն է անվանել։
Հիշեցնենք, որ երեկ խափանվել է ԱՄՆ Միջազգային զարգացման գործակալության (USAID) կայքը։ Reuters-ը հայտնել է, որ գործակալության կայքը խափանվել է այն բանից հետո, երբ Թրամփի վարչակազմը հայտարարեց գործակալությունը Պետդեպարտամենտի ենթակայության տակ տեղափոխելու մտադրության մասին: