«Եթե նավթի գինը նվազի, Պուտինը դուրս կգա պատերազմից», – այս մասին հայտարարել է ԱՄՆ նախկին նախագահ Դոնալդ Թրամփը Մեծ Բրիտանիայի վարչապետ Կիր Սթարմերի հետ համատեղ մամուլի ասուլիսում։

Թրամփը դժգոհություն է հայտնել, որ եվրոպական որոշ երկրներ դեռ շարունակում են նավթ գնել Ռուսաստանից։

«Բանն այնքան էլ բարդ չէ․ եթե նավթի գինը նվազի, Պուտինը դուրս կգա պատերազմից, նա այլ տարբերակ չի ունենա։ Ինչպես գիտեք, ես շատ սերտ հարաբերություններ ունեմ Հնդկաստանի վարչապետի հետ և լավ հարաբերություններ՝ ընդհանրապես, բայց ես նրանց նկատմամբ պատժամիջոցներ եմ սահմանել, իսկ Չինաստանի նկատմամբ գործում են բարձր մաքսատուրքեր։ Սակայն պատրաստ եմ անել ավելին։ Երբ իմացա, որ այն մարդիկ, որոնց համար պայքարում եմ, նավթ են գնում Ռուսաստանից, հիասթափվեցի։ Այդպես չի կարելի։ Դա արդար խաղ չէ ԱՄՆ-ի նկատմամբ։ Եթե նավթի գինը ընկնի, Ռուսաստանը շատ հեշտությամբ կլուծվի», – հայտարարել է Թրամփը։