Դոնալդ Թրամփ. Մենք շատ արդյունավետ հանդիպում ունեցանք Պուտինի հետ, մենք շատ բաների շուրջ համաձայնության եկանք, մի քանի կարևոր հարցերի շուրջ համաձայնության չենք եկել, բայց որոշակի առաջընթաց կա
Մենք շատ արդյունավետ հանդիպում ունեցանք, մենք շատ բաների շուրջ համաձայնության եկանք, կասեի՝ մեծ մասի շուրջ, մենք մի քանի կարևոր հարցերի շուրջ համաձայնության չենք եկել, բայց որոշակի առաջընթաց կա,- այս մասին հայտարարել է ԱՄՆ նախագահ Դոնալդ Թրամփը՝ Ալյասկայում նեղ կազմով բանակցություններից հետո Ռուսաստանի նախագահ Վլադիմիր Պուտինի հետ ճեպազրույցի ժամանակ։
Դոնալդ Թրամփի խոսքով՝ Ուկրաինայի հարցի շուրջ համաձայնության չեն հասել, և նա հանդիպման վերաբերյալ կզանգահարի Ուկրաինայի նախագահ Վլադիմիր Զելենսկիին և ՆԱՏՕ-ին։
Դոնալդ Թրամփի խոսքով՝ այսօրվա հանդիպմանը մեծ առաջընթաց է գրանցվել։
«Ես միշտ էլ հիանալի հարաբերություններ եմ ունեցել Վլադիմիր Պուտինի հետ։ Մենք շատ դժվար հանդիպումներ ենք ունեցել, լավ հանդիպումներ։ Մեզ խանգարել է ռուսական դավադրության կեղծիքը, որը դժվարացրել է գործընթացը, բայց նա հասկանում էր, որ իր կարիերայում ինչ-որ բաներ է տեսել։ Նա գիտեր, որ դա կեղծիք է։ Ինչ էլ որ լիներ, դա հանցավոր էր և դժվարացրել էր գործարքը։ Մենք լավ հնարավորություն կունենանք, երբ սա ավարտվի։ Մենք շատ արդյունավետ հանդիպում ունեցանք, և մենք շատ բաների շուրջ համաձայնության եկանք։ Շատ քիչ բան է մնացել համաձայնության գալու, հավանաբար ամենակարևոր բանը։ Մենք լավ հնարավորություն ունենք դա իրականացնելու, դեռ այնտեղ չենք, բայց լավ հնարավորություն կա։ Մենք պատրաստվում ենք դադարեցնել շաբաթական հինգ, վեց, յոթ հազար մարդու սպանությունը, և նախագահ Պուտինը ցանկանում է տեսնել դա, և ես նույնպես», – ասաց Դոնալդ Թրամփը։