Դոնալդ Թրամփ. Իմ ուղերձը Հարավարևելյան Ասիայի երկրներին այն է, որ Միացյալ Նահանգները 100%-ով ձեզ հետ է, մենք կստեղծենք բարգավաճում Խաղաղ օվկիանոսի երկու կողմերում գտնվող երկրների համար
ԱՄՆ նախագահ Դոնալդ Թրամփը Հարավային Ասիայի առաջնորդներին ասել է, որ իր երկիրը կլինի տարածաշրջանի ուժեղ գործընկեր։
Դոնալդ Թրամփը այս խոսքերն ասել է Կուալա Լումպուրում կայացած Հարավարևելյան Ասիայի երկրների ասոցիացիայի գագաթնաժողովի ժամանակ։
«Իմ ուղերձը Հարավարևելյան Ասիայի երկրներին այն է, որ Ամերիկայի Միացյալ Նահանգները 100%-ով ձեզ հետ է, և մենք լինելու ենք ուժեղ գործընկեր և ընկեր գալիք սերունդների համար։ Մեկ տարի առաջ մենք այլ դիրքում էինք, բայց հիմա գտնվում ենք լավագույն դիրքում, որ երբևէ եղել ենք։ Սա ոսկե դարաշրջան է Ամերիկայի Միացյալ Նահանգների համար, և միասին մենք կստեղծենք անհավանական բարգավաճում Խաղաղ օվկիանոսի երկու կողմերում գտնվող երկրների համար և կօգտվենք մեր ժողովուրդների համար նոր հնարավորություններից», – ասել է Թրամփը։