Դոնալդ Թրամփ – Անհապաղ ձերբակալեք դիմակավոր անձանց
ԱՄՆ նախագահ Դոնալդ Թրամփը Truth Social սոցիալական ցանցում արձագանքում է Լոս Անջելեսում տեղի ունեցող իրադարձություններին։
Թրամփը կոչ է անում իրավապահ մարմիններին ձերբակալել դիմակավոր ցուցարարներին։
«Ձերբակալեք դիմակավոր մարդկանց։ Անհապաղ», – գրում է Թրամփը։
Հիշեցնենք, որ Կալիֆոռնիայում բախումներ են տեղի ունենում դաշնային ներգաղթային գործակալների և ցուցարարների միջև։ Անկարգությունները տեղի են ունեցել ներգաղթային ծառայության կողմից անօրինական ներգաղթյալների դեմ իրականացված ռեյդերից հետո։ Բախումները տեղի են ունեցել Լոս Անջելես քաղաքում, ինչպես նաև շրջակա բնակավայրերում՝ Պարամաունթում և Քոմփթոնում։ Ցուցարարները իրավապահ մարմինների վրա նետել են Մոլոտովի կոկտեյլներ, քարեր և տարբեր առարկաներ։ Ցուցարարներին ցրելու համար օգտագործվել է արցունքաբեր գազ և ռետինե մահակներ։ Վերջին երկու օրերի ընթացքում ձերբակալվել է 118 մարդ։ Կան վիրավորների մասին հաղորդագրություններ։
Ներգաղթի իրավապահ գործողությունների շուրջ ցուցարարների և իրավապահ մարմինների միջև բախումներից հետո Դոնալդ Թրամփը հրամայել է Ազգային գվարդիայի 2000 անդամ տեղակայել Լոս Անջելեսում։
Դոնալդ Թրամփը շնորհակալություն է հայտնել Ազգային գվարդիային Լոս Անջելեսում կատարած աշխատանքի համար և ասել, որ «արմատական ձախակողմյան բողոքի ցույցերը չեն հանդուրժվի»։ Թրամփը նաև ասել է, որ բողոքի ցույցերի ժամանակ դիմակներ կրելը կարգելվի։