Կրեմլի մամուլի քարտուղար Դմիտրի Պեսկովը հայտարարել է, որ Ռուսաստանը Ֆրանսիայի կողմից բարձր մակարդակով երկխոսության վերսկսման ցանկություն չի տեսնում:

«Ռուսաստանի և Ֆրանսիայի միջև իսկապես եղել են շփումներ, մենք կարող ենք հաստատել, որ դա, ցանկության և անհրաժեշտության դեպքում, կնպաստի բարձր մակարդակով երկխոսության արագ հաստատմանը: Առայժմ մենք որևէ ակնարկ չենք ստացել, որ նման ցանկություն կա, թեև ուշադրություն ենք դարձրել պարոն Մակրոնի հայտարարությանը Ռուսաստանի հետ հարաբերություններ հաստատելու անհրաժեշտության մասին և նման հայտարարությունները դրական ենք գնահատում», – նշել է Պեսկովը:

Բացի այդ, Կրեմլի մամուլի քարտուղարի հայտարարությամբ՝ Ռուսաստանը միշտ կողմ է եղել երկխոսությանը, որը կօգնի լուծել բարդ խնդիրները:

Ավելի վաղ Ֆրանսիայի նախագահ Էմանուել Մակրոնը նշել էր, որ ցանկանում է Ռուսաստանի նախագահ Վլադիմիր Պուտինի հետ երկխոսություն «կազմակերպել» եվրոպացիների հետ միասին՝ առանց «չափազանց շատ զրուցակիցների»: Ֆրանսիայի նախագահի խոսքով՝ Մոսկվայի հետ վերականգնվել են քննարկումների ուղիները տեխնիկական մակարդակում: