Դմիտրի Պեսկովը հայտարարել է, որ Կրեմլի առաջարկը՝ Իրանից ստացված ուրանը Ռուսաստանում պահելու վերաբերյալ, ուժի մեջ է մնում
Ռուսաստանի նախագահի մամուլի խոսնակ Դմիտրի Պեսկովը հայտարարել է, որ Կրեմլի առաջարկը՝ Իրանից ուրանը Ռուսաստանում պահելու վերաբերյալ, մնում է ուժի մեջ։ Պեսկովն այս մասին ասել է ճեպազրույցի ժամանակ։
«Այս առաջարկը մնում է բանակցությունների սեղանին։ Այն պահպանում է իր արդիականությունը։ Սակայն, իհարկե, ռազմական գործողությունների սկսվելուց հետո իրավիճակը լրջորեն բարդացել է։ Մենք գիտենք, որ ռազմական գործողությունները սկսվել են մինչև Օմանի միջնորդությամբ ԱՄՆ-ի և Իրանի միջև անուղղակի բանակցությունների մեկնարկը։ Այստեղ Ռուսաստանը շարունակում է պատրաստ լինել անել ամեն ինչ, որպեսզի վերացվեն այս ճգնաժամի արմատական պատճառները, լուծվի իրանական միջուկային դոսյեն», – նշել է Պեսկովը։
Բացի այդ, Կրեմլի մամուլի քարտուղարը հայտարարել է, որ Ռուսաստանը, անհրաժեշտության դեպքում, պատրաստ է միջնորդական ջանքեր գործադրել Իսրայելի և Իրանի միջև հակամարտությունը լուծելու համար։ Նա նշել է, որ Ռուսաստանի նախագահը հեռախոսազրույցներ է ունեցել Իսրայելի վարչապետի, Իրանի նախագահի և ԱՄՆ նախագահի հետ։
«Ռուսաստանը շարունակում է պատրաստ լինել միջնորդել անհրաժեշտության դեպքում, այդ թվում՝ այն առաջարկներով, որոնք նախագահ Պուտինը ներկայացրել է նախագահ Թրամփի հետ զրույցի ժամանակ», – նշել է Պեսկովը։