Ուկրաինայի արտգործնախարար Դմիտրի Կուլեբան ասում է, որ Վլադիմիր Պուտինի հավակնությունները չեն սահմանափակվում իր անմիջական հարևանների սահմաններով և կգնան այնքան հեռու, որքան թույլ կտան նրան։

Կուլեբան հիշեցրել է 2021 թվականի վերջին Ռուսաստանի տարածած փաստաթուղթը, որը պահանջում էր ՆԱՏՕ-ին վերադարձնել 1997 թվականի սահմանները։

«Ես Պուտինի հավակնությունները չէի սահմանափակի միայն Մոլդովայով ու Վրաստանով։ Նրա ծրագրերը շատ ավելի հեռուն են գնում, և նա կգնա այնքան հեռու, որքան թույլ կտան»,- ասել է Կուլեբան։

Դմիտրի Կուլեբայի կարծիքով՝ այդ պատճառով Պուտինին կանգնեցնելու լավագույն միջոցը Ուկրաինային օգնելն է։ Ուկրաինայի արտաքին գործերի նախարարի խոսքով, ինչպիսին էլ լինի այժմ Ուկրաինային օգնելու արժեքը, ինքնուրույն պատերազմ սկսելու արժեքը շատ ավելի մեծ է, այդ թվում՝ մարդկային կյանքի թանկ արժեքը, որը հիմա վճարում է Ուկրաինան։

Դմիտրո Կուլեբայի խոսքով՝ հաշվի առնելով, որ Պուտինը ցանկանում է վերականգնել Խորհրդային Միությունը, նրա հավակնությունները դուրս են գալիս իր անմիջական հարեւանների սահմաններից։

«Այն չի ճանաչում շատ պետությունների իրավունքը՝ գտնվել միջազգայնորեն ճանաչված սահմաններում, ուստի Կենտրոնական Ասիայի երկրները նույնպես պետք է մտահոգվեն»,- հավելել է Կուլեբան։