Դեյվիդ Քեմերոն. «Օտարերկրյա ազդեցության թափանցիկության մասին» օրենքի ընդունման արդյունքում Վրաստանի իշխանությունները շեղվեցին եվրատլանտյան ուղուց
Մեծ Բրիտանիայի արտգործնախարար Դեյվիդ Քեմերոնը հայտարարում է, որ Վրաստանի բնակչության ցանկությունը պարզ է, նրանց ապագան եվրատլանտյան ընտանիքում է։
Այս մասին սոցցանցում գրառում է Դեյվիդ Քեմերոնը։
Ըստ նրա՝ «Օտարերկրյա ազդեցության թափանցիկության մասին» օրենքի ընդունման արդյունքում Վրաստանի իշխանությունները շեղվեցին եվրատլանտյան ուղուց։
«Բնակչության ցանկությունը պարզ է՝ նրանց ապագան եվրատլանտյան ընտանիքում է։ Հաղթահարելով նախագահ Սալոմե Զուրաբիշվիլիի վետոն և ընդունելով արտաքին ազդեցության թափանցիկության մասին օրենքը՝ Վրաստանի կառավարությունը շեղվեց այս ճանապարհից։ Մեծ Բրիտանիան կշարունակի մնալ վրաց ժողովրդի կողքին»,- ասել է Դեյվիդ Քեմերոնը։