Միջգերատեսչական համակարգող խորհրդի որոշմամբ գիշերային ակումբներին թույլատրվել է ամանորյա միջոցառումներ անցկացնել դեկտեմբերի 31-ին և հունվարի 1-ին։ Այս մասին տեղեկություն է տարածում կառավարության մամուլի ծառայությունը։

«Ոլորտի հետ խորհրդակցությունների արդյունքում պայմանավորվածություն է ձեռք բերվել, որ միջոցառումներին կթույլատրվեն սահմանափակ թվով հյուրեր՝ խիստ կանոնակարգերով, ինչը նշանակում է հետևյալը.

Գիշերային ակումբում թույլատրվում են լիարժեք պատվաստված անձինք.

Անհատներ, ովքեր անց են կացրել կորոնավիրուսը.

Վերոնշյալ չափանիշներին չհամապատասխանելու դեպքում պարտադիր է բացասական պատասխան ներկայացնել 48-ժամյա վավերականության ՊՇՌ-թեստի.

Կանոնակարգերի կիրարկումը խստագույնս վերահսկվելու է համապատասխան գերատեսչությունների կողմից», – հայտնում են կառավարության մամուլի ծառայությունից։