Դավոսում հանդիպել են Վլադիմիր Զելենսկին և Իլհամ Ալիևը
Դավոսում կայացել է Ուկրաինայի և Ադրբեջանի նախագահների հանդիպումը։
Ինչպես իր սոցցանցում գրել է Ուկրաինայի նախագահ Վլադիմիր Զելենսկին, նա ևս մեկ անգամ ցավակցություն է հայտնել Իլհամ Ալիևին «Ադրբեջանական ավիաուղիներ»-ի ինքնաթիռի կործանման կապակցությամբ։
«Վթարի վայրից ապացույցները պարզ են: Մենք պետք է ճնշում գործադրենք Ռուսաստանի վրա՝ ստիպելու նրան ասել ճշմարտությունը», – նշել է Զելենսկին։
Ուկրաինայի ղեկավարի խոսքով՝ Ալիևի հետ հանդիպման ժամանակ նա քննարկել է նաև երկկողմ հարաբերությունները և դրանց հետագա զարգացումը, ներառյալ առևտրաշրջանառության ավելացումը և էներգետիկ ոլորտում համագործակցությունը։ Զելենսկին ասել է, որ բարձր է գնահատում Ադրբեջանի կողմից Ուկրաինային ցուցաբերվող օգնությունը։