Բնապահպանության և գյուղատնտեսության նախարար Դավիթ Սոնղուլաշվիլին աշխատանքային այցով մեկնել է Ֆրանսիա։ Այս մասին հայտնում է գյուղատնտեսության նախարարությունը։

Նախարարի այցի շրջանակում նա կմասնակցի Կենդանիների առողջության համաշխարհային կազմակերպության 92-րդ գլխավոր սեսիային և հանդես կգա ելույթով։

«Նախատեսվում են հանդիպումներ Կենդանիների առողջության համաշխարհային կազմակերպության գլխավոր տնօրեն Էմանուել Սուբեյրանի (Dr. Emmanuelle Soubeyran), Պորտուգալիայի գյուղատնտեսության և ձկնորսության նախարար Ժոզե Մանուել Ֆեռնանդեսի (Mr. Jose Manuel Fernandes), ինչպես նաև Իսպանիայի գյուղատնտեսության, ձկնորսության և սննդամթերքի նախարար Լուիս Պլանաս Պուչադեսի (Mr. Luis Planas Puchades) հետ։ Նախարարի հետ միասին Ֆրանսիայում են նաև Սննդի ազգային գործակալության ղեկավար անձինք», – նշված է նախարարության տարածած հաղորդագրությունում։