Վրաստանի դատախազությունը Սագարեջոյում ծանրացուցիչ հանգամանքներում կնոջ դիտավորյալ պանության փորձի գործով մեղադրյալի մեղքը կծանրացնի՝ տուժողի մահվան համար։ Տեղեկությունը տարածում է Վրաստանի դատախազությունը։

«ՆԳՆ կատարած հետաքննությամբ պարզվել է, որ նոյեմբերի 11-ին Սագարեջոյում ամբաստանյալը անչափահաս որդու ներկայությամբ ծայրահեղ դաժանությամբ կյանքին վտանգ սպառնացող վնասվածքներ է հասցրել կնոջը՝ սեռի հատկանիշներով. անհանդուրժողականության մոտիվով: Տուժածը տեղափոխվել է հիվանդանոց։

Իրավապահները մեղադրյալին ձերբակալել են նոյեմբերի 12-ին։ Նրան մեղադրանք է առաջադրվել Վրաստանի քրեական օրենսգրքի 11-րդ պրիմ, 381 պրիմ հոդվածի 1-ին մասով (պաշտպանական հրամանով նախատեսված պարտավորության խախտում) և 19-րդ, 109-րդ հոդվածներով՝ «ը», «կ», «մ» ենթակետերով (դիտավորյալ սպանության փորձ, որը կատարվել է սեռի հողի վրա, ընտանիքի անդամի նկատմամբ, առանձնակի դաժանությամբ), որը պատժվում է 16-ից 20 տարի ժամկետով կամ ցմահ ազատազրկմամբ։

Դատախազության միջնորդության հիման վրա մեղադրյալի համար որպես խափանման միջոց է կիրառվել ազատազրկումը։

Ստացած վնասվածքների հետեւանքով տուժողը նոյեմբերի 21-ին մահացել է բուժհաստատությունում»,- ասված է Վրաստանի դատախազության տեղեկատվության մեջ։