Վրաստանի դատախազությունը մեղադրանք է առաջադրել կալանավորին հոր նկատմամբ ծանրացուցիչ հանգամանքներում կանխամտածված սպանության փորձի մեջ: Տեղեկատվությունը հրապարակում է Վրաստանի դատախազությունը:

Քննչական գերատեսչության տվյալներով՝ Ներքին գործերի նախարարության կողմից անցկացված հետաքննությունը պարզել է, որ մեղադրյալը Թբիլիսիի բնակելի շենքի մուտքի մոտ դանակով բազմաթիվ վերքեր է հասցրել հորը մարմնի տարբեր մասերին:

«Ժամանակին բժշկական օգնության շնորհիվ տուժողը փրկվել է:

Իրավապահ մարմինների աշխատակիցները տեղում ձերբակալել են մեղադրյալին: Նրան մեղադրանք է առաջադրվել Վրաստանի քրեական օրենսգրքի 109-րդ հոդվածի 11-րդ հոդվածի 19-րդ մասի «կ» ենթակետով (ընտանիքի անդամի նկատմամբ կատարված կանխամտածված սպանության փորձ), որը նախատեսում է 16-ից 20 տարի ազատազրկում:

Դատախազությունն արդեն դիմել է դատարան՝ մեղադրյալի նկատմամբ որպես խափանման միջոց կալանքը կիրառելու միջնորդությամբ», – նշվում է տեղեկատվության մեջ: