Ստրասբուրգի դատարանի որոշման և առաջարկությունների հիման վրա, արդյունավետ քննության իրականացումն ապահովելու նպատակով Ռուստավելու պողոտայում կատարվում են քննչական գործողություններ տուժածների մասնակցությամբ, ինչը թույլ կտա ամբողջությամբ վերականգնել 2019 թվականի հունիսի 20-21-ի դեպքերի հանցագործության պատկերը և հնարավոր մեղավոր անձանց նույնականացնել, – նշված է Վրաստանի դատախազության հայտարարությունում։

Նրանց տվյալներով՝ հիշյալ քրեական գործով կոնվենցիայի 3-րդ հոդվածի խախտում է արձանագրվել ընթացակարգային մասով, և պետությանը հանձնարարվել է որոշակի քննչական գործողությունների իրականացում։

«Մարդու իրավունքների եվրոպական դատարանը որոշում է կայացրել, որը վերաբերում է Թբիլիսիի դատախազության քննչական վարչությունում քննվող քրեական գործին՝ 2019 թվականի հունիսի 20-21-ին Թբիլիսիում հասարակական կարգի պահպանման և վերականգնման ժամանակ ներքին գործերի նախարարության կողմից լիազորությունների՝ բռնությամբ և զենքով գերազանցման փաստերի վերաբերյալ։

Այս քրեական գործով հաստատվել է կոնվենցիայի 3-րդ հոդվածի խախտում ընթացակարգային մասով, և պետությանը հանձնարարվել է իրականացնել որոշակի քննչական գործողություններ, այդ թվում՝ տուժածների մասնակցությամբ՝ ՆԳՆ-ի կողմից միջոցառման պատշաճ պլանավորման և ուժի գերակետի որոշման նպատակով։

Ստրասբուրգի դատարանի որոշման և առաջարկությունների հիման վրա, արդյունավետ քննության ապահովման նպատակով Ռուստավելու պողոտայում ներկայում իրականացվում են քննչական գործողություններ տուժածների մասնակցությամբ, ինչը հնարավորություն կտա քննությանը լիովին վերականգնել հանցագործության պատկերը և նույնացնել հնարավոր մեղավորներին», – նշված է Վրաստանի դատախազության հայտարարությունում։