Դանիան այս տարի և առաջիկա տարիներին կամրապնդի իր ռազմական ներկայությունը Գրենլանդիայում,- այս մասին հայտարարել է Դանիայի պաշտպանության նախարար Տրոելս Լունդ Պոուլսենը։

«Անցյալ տարի, երբ մենք համաձայնության եկանք, մենք ասացինք, որ այս տարի Գրենլանդիայում ավելի շատ ռազմական ուժեր կունենանք, իսկ անցյալ տարվա օգոստոսին և սեպտեմբերին մենք սկսեցինք զորավարժություններ անցկացնել ՆԱՏՕ-ի մյուս անդամ պետությունների հետ միասին։ Այսպիսով, այս տարի և առաջիկա տարիներին մենք կունենանք ավելի ուժեղ ռազմական ներկայություն, և մենք հույս ունենք դա անել ՆԱՏՕ-ի մեր գործընկերների հետ միասին», – ասել է Պոուլսենը։

Տեղեկատվության համար՝ ԱՄՆ նախագահ Դոնալդ Թրամփը հայտարարել է, որ Միացյալ Նահանգները Գրենլանդիայի կարիքն ունի ազգային անվտանգության համար, չնայած ավելի ուշ հայտարարել է, որ չի պլանավորում ուժ կիրառել։ Բացի այդ, Թրամփը նաև չեղարկել է Գրենլանդիայի պատճառով որոշ եվրոպական երկրների համար հայտարարված մաքսատուրքերը։