Չնայած Ռուսաստանի հարձակմանը, Մարիուպոլը չի ընկել. Պենտագոն
Պենտագոնի մամուլի խոսնակ Ջոն Քիրբին ասել է, որ Մարիուպոլը չի ընկել՝ չնայած ռուսական հարձակմանը։ Այս մասին լրագրողների հետ ճեպազրույցում հայտարարել է Ջոն Քիրբին։
«Մենք դեռ տեսնում ենք ռուսական ավիացիայի և հրետանու կենտրոնացում Դոնբասում և հարավում, հատկապես Մարիուպոլի շրջակայքում և ներսում», – ասել է Ջոն Քիրբին:
ԱՄՆ-ի պաշտպանության նախարարության խոսնակն ասել է, որ ուկրաինական ուժերը դիմադրում են Ռուսաստանի ավելի ու ավելի ագրեսիվ գործողություններին:
Ջոն Քիրբիի խոսքով՝ ռուսական ուժերը ներկայումս պայմաններ են ստեղծում Ուկրաինայի արևելքում ավելի լայնածավալ և բացահայտ հարձակումների համար։
Պենտագոնի ներկայացուցիչը նաև նշել է, որ շուտով ԱՄՆ-ի զինված ուժերը կսկսեն ուկրաինական զինված ուժերի անդամներին ԱՄՆ-ի կողմից մատակարարվող հրետանու կիրառման նախապատրաստումը: Զենքերը 800 միլիոն դոլար արժողությամբ ԱՄՆ-ի ռազմական օգնության փաթեթի մի մասն են կազմում: