Չինաստանի արտաքին գործերի նախարարությունը հայտարարում է, որ իրանական նավթի ներմուծման նկատմամբ ԱՄՆ պատժամիջոցները չեն հիմնված միջազգային իրավունքի վրա
Պաշտոնական Պեկինը հայտարարում է, որ իրանական նավթի ներմուծման նկատմամբ ԱՄՆ պատժամիջոցները չեն հիմնված միջազգային իրավունքի վրա: Այս մասին հայտարարել է Չինաստանի արտաքին գործերի նախարարության խոսնակ Լին Չժիյանը:
Խոսնակը նաև նշել է, որ Պեկինը կոչ է անում Վաշինգտոնին անհապաղ վերացնել պատժամիջոցները:
«Չինաստանը միշտ դեմ է միջազգային իրավունքի վրա չհիմնված անօրինական միակողմանի պատժամիջոցներին և կոչ է անում ԱՄՆ-ին դադարեցնել պատժամիջոցների չարաշահման և իրավասության երկարատև օգտագործման սխալ պրակտիկան», – ասել է Լին Չժիյանը:
Նա նաև ասել է, որ Չինաստանը վճռականորեն կպաշտպանի չինական ընկերությունների օրինական իրավունքներն ու շահերը:
Տեղեկության համար, ապրիլի 24-ին ԱՄՆ-ն պատժամիջոցներ է կիրառել Չինաստանում գտնվող խոշոր նավթավերամշակման գործարանի, մոտ 40 նավագնացության ընկերությունների և իրանական նավթի փոխադրմամբ զբաղվող տանկերների նկատմամբ: Պատժամիջոցները կազդեն Դալյանի նավահանգստում գտնվող Հենգլի նավթաքիմիական գործարանի վրա, որն ունի օրական մոտ 400,000 բարել հում նավթ վերամշակման հզորություն: Այն Չինաստանի ամենամեծ անկախ նավթավերամշակման գործարաններից մեկն է: