Չինաստանի արտաքին գործերի նախարարը ԱՄՆ-ին կոչ է արել դադարեցնել Թայվանում անջատողականության աջակցությունը։ Չինաստանի արտաքին գործերի նախարարության ղեկավար Ցին Գանը Չինաստանում ԱՄՆ-ի դեսպան Նիկոլաս Բերնսի հետ հանդիպման ժամանակ ասել է, որ Վաշինգտոնը պետք է ճիշտ մոտենա Թայվանի խնդրին, դադարեցնի մեկ Չինաստանի սկզբունքի ոչնչացումը և դադարի աջակցել անկախության կողմնակից անջատողականներին։

Չինացի դիվանագետը նաև նշել է, որ ԱՄՆ-ը պետք է հարգի Չինաստանի կարմիր գծերը և դադարի ոտնահարել նրա ինքնիշխանությունը, անվտանգությունը և զարգացման շահերը։

Չինաստանի արտգործնախարարի խոսքով՝ ԱՄՆ-ը խոչընդոտել է Չինաստանի հետ դրական թափը, որին հասել են երկու երկրների ղեկավարները Բալիում կայացած հանդիպման ժամանակ։ Չինաստանի ԱԳ նախարարության ղեկավարը նշել է, որ երկկողմ հարաբերությունների կայունացումը առաջնահերթություն է։

Ցին Գանը նաև նշել է, որ Չինաստանը հաստատակամորեն հավատարիմ կմնա փոխադարձ հարգանքի, խաղաղ գոյակցության և փոխշահավետ համագործակցության սկզբունքներին ԱՄՆ-ի հետ հարաբերություններում, ինչպես հայտարարել է Չինաստանի նախագահ Սի Ձինփինը։