Չինաստանը ողջունել է Իրանի և Միացյալ Նահանգների միջև ձեռք բերված հրադադարի համաձայնությունը, սակայն չի հաստատել Իրանի հետ որևէ ուղղակի բանակցությունների փաստը, որոնք կարող էին նպաստել համաձայնագրի ընդունմանը:

Չինաստանի արտաքին գործերի նախարարության մամուլի խոսնակ Մաո Նինը նույնպես ողջունել է Պակիստանի և այլ երկրների ջանքերը՝ հավելելով, որ Չինաստանը «ներդրել է սեփական ջանքերը»:

«Մենք աջակցում ենք խաղաղ բանակցություններին և հրադադարին», – հայտարարել է Մաո Նինը:

Մի քանի օր առաջ Չինաստանը և Պակիստանը համաձայնության էին եկել հինգ կետից բաղկացած առաջարկ ներկայացնելու շուրջ, որի նպատակն էր Մերձավոր Արևելքում խաղաղության վերականգնումը մեկամսյա պատերազմից հետո:

Այդ հինգ կետերը ներառում էին. ռազմական գործողությունների անհապաղ դադարեցում, խաղաղ բանակցությունների մեկնարկ հնարավորինս սեղմ ժամկետներում, ոչ ռազմական թիրախների անվտանգության ապահովում, Հորմուզի նեղուցում նավագնացության անվտանգության երաշխավորում և ՄԱԿ-ի կանոնադրության պահպանում: