Այսօր կա երկու մեծ կենտրոն՝ «Վրացական երազանք» և «Ազգային շարժում», սա է այս երկրի խնդիրը: Այժմ մեզ անհրաժեշտ է երրորդ ուժեղ կենտրոնը, որպեսզի երկիրը սկսի նորմալ զարգացում, ես ամեն ինչ կանեմ դրա համար,- այս մասին լրագրողներին ասել է «Ռազմավարություն Աղմաշենեբելիի» առաջնորդ Գիորգի Վաշաձեն:

Վաշաձեն մեկնաբանեց նոր միության մասին սեփական նախաձեռնության կապակցությամբ:

«Այո, «Ազգային շարժման» հետ մեր ճանապարհները բաժանվեցին, մենք «Ռազմավարություն Աղմաշենեբելին» հիմնեցինք ընտրություններից երեք ամիս առաջ և աջակցության առումով բավականին լավ արդյունք ստացանք: Կարծում եմ, հիմա ժամանակն է ձեռնարկել հետագա քայլերը, որ երկիրը անընդհատ չբախվի նման կոլափսների: Ցանկանում եմ, մեծացնել համախոհների թիվը, որպեսզի ստեղծենք առավել հզոր քաղաքական ներգրավման կենտրոն: Համակիրների առնվազն 30%-ի ռեսուրս ունենք, որն անհրաժեշտ է երկու կողմերին հանդարտեցնելու և նոր կառավարության ձևավորելու համար»,- հայտարարել է Վաշաձեն: