Բռնազավթված Աբխազիայի այսպես կոչված անվտանգության ծառայության ղեկավար Ռուստամ Լատիպովի հայտարարությամբ, ամեն ինչ արվելու է, որպեսզի Զուգդիդիում բանկի վրա իրականացրած հարձակման համար հետախուզվող անձը չկարողանա մուտք գործել Աբխազիայի տարածք: Այս մասին տեղեկությունը տարածում են տեղական լրատվամիջոցները:

«Սահմանային գոտում, սահմանապահները, Ռուսաստանի հետ միասին, կձեռնարկեն բոլոր անհրաժեշտ միջոցառումները, որպեսզի հանցագործը չմտնի Աբխազիայի տարածք»,- ասել է Լատիպովը:

Նրա խոսքով, Էնգուրի անցակետը փակ է 19:00-ից մինչև 07:00-ն, և այս ժամանակահատվածում ոչ ոք չի կարողանա հատել այն:

Նույն հայտարարությունն է արել նաև բռնազավթված Գալիի այսպես կոչված վարչակազմի ղեկավար Կոնստանտին Փիլիան է: Նրա խոսքով, կասկածյալը չի կարողանա հատել սահմանը:

Զուգդիդում, «Սաքարթվելոս բանկի» մասնաճյուղ զինված տղամարդը ներխուժել էր երեկ և պատանդներ վերցրել: Օրվա վերջում հարձակվողը ազատ արձակեց պատանդների մեծ մասին և երեք պատանդների հետ միասին լքեց բանկի շենքը: Ուշ գիշեր մնացած երեք պատանդները նույնպես ազատ են արձակվել: ՆԳՆ-ն հաղորդմամբ, իրավապահները շարունակում են ինտենսիվ օպերատիվ-հետախուզական ու որոնողական միջոցառումները ՝ հանցագործին ձերբակալելու համար: