Բրիտանական ռազմական հետախուզության տվյալներով՝ վերջին 24 ժամվա ընթացքում ուկրաինական զորքերը շարունակում են վերադարձնել Խարկովի մարզում գտնվող կարևոր տարածքները։ Ըստ հետախուզական տվյալների՝ Ռուսաստանը կարծես դուրս է բերել իր ուժերը Խարկովի մարզից, թեև մարտերը շարունակվում են ռազմավարական նշանակություն ունեցող Կուպյանսկ և Իզյում քաղաքների շուրջ։

Սակայն, ըստ բրիտանական անվտանգության ծառայության, Պուտինի հայտարարությունը, թե օգոստոսից հետո Ուկրաինայից արտահանված ընդամենը 60 հազար տոննա հացահատիկ է ուղարկվել զարգացող երկրներ, մինչդեռ արտահանման հիմնական մասը գնացել է Եվրամիության երկրներ, չի համապատասխանում իրականությանը։ Գերատեսչությունը նշում է, որ ՄԱԿ-ի տվյալներով՝ մոտ 30%-ը բաժին է ընկնում Աֆրիկայի, Ասիայի և Մերձավոր Արևելքի ցածր և միջին եկամուտ ունեցող երկրներին։

Հետախուզական աղբյուրները նշում են, որ Ռուսաստանը վարում է կանխամտածված ապատեղեկատվության քաղաքականություն՝ Ուկրաինային մեղադրելու պարենային անվտանգության խնդիրների մեջ, վարկաբեկելու նրան և նվազագույնի հասցնելու երկրի դիմադրությունը։