Բրիտանական հետախուզության տվյալներով, ռուսական ուժերը մտել են Ուկրաինայի Դոնեցկի մարզի Սելիդովո քաղաք
Բրիտանական հետախուզության տվյալներով՝ ռուսական օկուպացիոն ուժերը մտել են Ուկրաինայի Դոնեցկի մարզի Սելիդովո քաղաք։
Բրիտանական հետախուզության զեկույցի համաձայն, այժմ ենթադրվում է, որ մարտեր են ընթանում քաղաքի կենտրոնում:
Գերմանական «Bild» հրատարակության ռազմական վերլուծաբան Յուլիան Ռիեպկեն նույնպես հայտարարել է, որ ռուսական զորքերը մտել են Սելիդովո։
Սելիդովո քաղաքը գտնվում է կարևոր լոգիստիկ կենտրոնի՝ Պոկրովսկի քաղաքի մոտ։ Քաղաքների միջև հեռավորությունը 13 կմ է և միացված է E50 մայրուղով։ Այս երթուղին կարևոր է Ռուսաստանի համար, քանի որ, եթե Սելիդովոն վերցնեն, այն հավանաբար կօգտագործվի Պոկրովսկիի ուղղությամբ առաջխաղացման համար։