Բրազիլիայում փոքր ինքնաթիռն ընկել է մայրուղու վրա, ինչի հետևանքով երկու մարդ է զոհվել
Բրազիլիայի Սան Պաուլո քաղաքում փոքր ինքնաթիռն ընկել է մայրուղու վրա՝ հարվածելով մեքենաներին: Այս մասին հայտնում է ՌՈՅԹԵՐ-ը։
Հրշեջ ծառայության տվյալներով՝ ավիավթարի հետևանքով զոհվել է երկու մարդ, ևս երկուսը վիրավորվել են։
Սոցցանցերում շրջանառվող լուսանկարներից երևում է, որ վթարի հետևանքով ավտոբուսը բռնկվել է։ Մոտոցիկլավարը և ավտոբուսի մեկ ուղևոր վնասվածքներ են ստացել։
Ըստ լրատվամիջոցների՝ միջադեպը տեղի է ունեցել առավոտյան տեղական ժամանակով 07:20-ին։