Բորիս Ջոնսոնն ասում է, որ Դոնալդ Թրամփի անկանխատեսելիությունը բավական կլինի Վլադիմիր Պուտինին համոզելու չպատերազմել Ուկրաինայում
Մեծ Բրիտանիայի նախկին վարչապետ Բորիս Ջոնսոնն ասում է, որ Դոնալդ Թրամփի անկանխատեսելիությունը բավական կլինի Վլադիմիր Պուտինին համոզելու համար լայնամասշտաբ պատերազմ չսկսել Ուկրաինայում: Այս մասին տեղեկությունը տարածում է Տելեգրամ-ը։
Ջոնսոնը նշել է, որ Կրեմլի տեսանկյունից իրական ռիսկ կա, որ Թրամփը եվրոպական երկրի վրա հարձակումը կմեկնաբանի որպես վիրավորանք Միացյալ Նահանգների և աշխարհակարգի նկատմամբ և կդիմի ավելի կոշտ միջոցների։
Ինչպես գրում են լրատվամիջոցները, Թրամփը հաճախ է նշում, որ Ռուսաստանի ներխուժումն Ուկրաինա տեղի է ունեցել այն ժամանակ, երբ նա ԱՄՆ նախագահը չէր։ Ջոնսոնը նույնպես կարծում է, որ դա պատահական չէ:
«Թրամփի արժանիքներից մեկը նրա լիակատար անկանխատեսելիությունն է։ Նա վտարեց 60 ռուս լրտեսների (Սոլսբերիում թունավորումից հետո)։ Նա շատ ավելի կոշտ էր Սիրիայի նկատմամբ, քան դեմոկրատական վարչակազմը: Նա ավելի կոշտ էր գտնվել IRGC-ի (Իրանի հեղափոխության պահապանների կորպուսի) նկատմամբ, իսկ հետո Javelin հրթիռներ տվեց ուկրաինացիներին»,- ասել է Ջոնսոնը։
Նրա խոսքով՝ Ուկրաինան չպետք է վախենա Թրամփից։
«Շատ, շատ կարևոր է հասկանալ, որ Ուկրաինայի պայքարը էկզիստենցիալ է Եվրոպայում ազատության և ժողովրդավարության համար։ Եթե Ուկրաինան պարտվի, դա բացարձակ աղետ կլինի: Թրամփը դա հասկանում է: «Չեմ կարծում, որ նա ցանկանում է պատմության մեջ մտնել որպես մեկը, ով սկսել է իր երկրորդ ժամկետը ոչ թե Ամերիկան կրկին մեծացնելով, այլ Խորհրդային Միությունը մեծ դարձնելով», – ասել է Ջոնսոնը։