Բոլոր այն օլիգարխները, ովքեր քաղաքականապես ակտիվ են, ակտիվ են ընդդիմության կողմում, և այդ պատճառով նրանք այլևս չեն ցանկանում ընդունել ապաօլիգարխիզացիայի մասին օրենքը, – այս մասին Վրաստանի առաջին ալիքի «Արդիական շաբաթ՝ Մակա Ցինցաձեի հետ» հաղորդման ժամանակ հայտարարել է «Վրացական երազանք» կուսակցության նախագահ Իրակլի Կոբախիձեն։

«Վերջապես կասեն, որ երկրին ապաօլիգարխացում պետք չէ, և հակառակը՝ կարող են նույնիսկ օլիգարխացում պահանջել։ Որովհետև բոլոր այն օլիգարխները, ովքեր զբաղվում են քաղաքականությամբ, իրենց շահի համար են զբաղված և ֆինանսավորում են։ Սա այսօրվա իրականությունն է»,- ասել է Կոբախիձեն։

Նրա խոսքով՝ հենց ուկրաինական օրենքը տեղափոխվի Վրաստան, բոլորը կտեսնեն, որ այդ օրենքը չի տարածվում Բիձինա Իվանիշվիլիի վրա։

«Նրանք ամբողջությամբ կենտրոնանում են Բիձինա Իվանիշվիլիի վրա, երբ խոսում են ապաօլիգարխացման մասին, բայց այս օրենքը ուղղակիորեն վերաբերում է շատ օլիգարխների, ովքեր ուղղակիորեն ֆինանսավորում են ընդդիմությանը կամ անմիջականորեն մասնակցում են քաղաքական գործընթացներին՝ Կեզերաշվիլիին, Խազարաձեին, Ճուտային և այլոց»,- ասել է Կոբախիձեն։

«Վրացական երազանքի» նախագահը նշել է նաև, որ կոնսենսուսի դեպքում կընդունվի ապաօլիգարխացման մասին ուկրաինական օրենքը։

«Աշխատանքային խումբը նոր է ստեղծվել, քննարկումը նոր է սկսվել, և ողջ գործընթացը դեռ առջևում է։ Առջևում սեպտեմբերն ու հոկտեմբերն են, և մինչ այս օրինագիծը պետք է նախաձեռնվի, ապա ընդունվի նոյեմբերին, և տեսնենք, թե ինչպես կանցնեն գործընթացները մինչ այդ»,- ասել է Կոբախիձեն։