Բոլոր ընտրատեղամասերի մոտ կկազմակերպվեն ամոթի միջանցքներ, եթե տեղի ունենա որևէ ընդհարում, պատասխանատուն կլինի իշխանությունը. Լևան Վարշալոմիձե
Երկրորդ փուլում բոլոր ընտրատեղամասերի մոտ կկազմակերպվեն ամոթի միջանցքներ, եթե տեղի ունենա որևէ ընդհարում, պատասխանատուն կլինի իշխանությունը, – այս մասին հայտարարել է «Ազգային շարժման» Աջարիայի կազմակերպության առաջնորդ Լևան Վարշալոմիձեն:
Վարշալոմիձեն կառավարությանը կոչ է անում պաշտպանել հասարակական կարգը: Միևնույն ժամանակ, ինչպես ասում է Վարշալոմիձեն, ընտրությունների երկրորդ փուլին ոչ մի ընդդիմադիր կուսակցություն չի մասնակցելու:
«Ես կառավարությանը կոչ եմ անում ցույցին կենտրոնացված ոստիկանությանը վերաբախշել, որպեսզի կատարի իր գործառույթը: Որքան բան է տեղի ունեցել Աջարիայում մեկ շաբաթվա ընթացքում, նույնիսկ սպանություն է տեղի ունեցել Խալա գյուղում և մարդասպանը չի ձերբակալվել: Այնպես որ, եթե այս ամոթի միջանցքներում հակասություններ լինեն, պատասխանատուն կլինի իշխանությունը: Ոստիկանությունն ու իշխանությունները պետք է դա կատարեն, դա մեր սահմանադրական իրավունքն է, որտեղ կկանգնենք, ինչպես կբողոքենք և ինչ կանենք, այս որոշումն ընդունված է և 21-ին տեղամասերի մոտ կկազմակերպեն ամոթի միջանցքներ: Մենք բոլորս միասին ենք, ոչ մի ընդդիմադիր կուսակցություն չի մասնակցելու երկրորդ փուլի, բոլոր ընդդիմադիր կուսակցությունները պայմանավորվել են բողոքել միասին, դա կլինի բողոքի ձևերից մեկը»,- հայտարարել է Լևան Վարշալոմիձեն: