Իսրայելի վարչապետ Բենիամին Նեթանյահուն ժամանել է Երուսաղեմում տեղի ունեցած հարձակման վայրը։

Նեթանյահուն ասել է, որ հարձակումները չեն թուլացնում Իսրայելին, այլ ավելի շուտ ամրապնդում են նրան իր առաքելությունները կատարելու համար։

«Մենք պատերազմի մեջ ենք, ահաբեկչության դեմ ուժեղացված պատերազմ բազմաթիվ ճակատներում։ Մենք այժմ շրջապատել ենք այն գյուղերը, որտեղից եկել են ահաբեկիչները, և մենք կհետապնդենք նրանց, ովքեր օգնել են նրանց։ Մենք կձեռնարկենք խիստ միջոցներ», – ասել է Բենիամին Նեթանյահուն։

Երուսաղեմի մուտքի մոտ գտնվող ավտոբուսի կանգառում տեղի ունեցած կրակոցների հետևանքով զոհվել է վեց մարդ։ Ըստ որոշ տեղեկությունների, երկու հարձակվողներ մեքենայով մոտեցել են ավտոբուսի կանգառին։ Դեռևս հայտնի չէ, թե ով է իրականացրել հարձակումը կամ ինչ դրդապատճառ է եղել։