Բենյամին Նեթանյահուն ասում է, որ ինտենսիվ մարտերը Գազայում կվերսկսվեն, եթե ՀԱՄԱՍ-ը պատանդներին չազատագրի մինչև փետրվարի 15-ը
Իսրայելի վարչապետ Բենիամին Նեթանյահուն հայտարարել է, որ եթե ՀԱՄԱՍ-ը չազատի պատանդներին մինչև շաբաթ օրը, Գազայում ինտենսիվ մարտերը կվերսկսվեն։
«Եթե ՀԱՄԱՍ-ը չվերադարձնի մեր պատանդներին մինչև շաբաթ կեսօր, հրադադարը կավարտվի, և Իսրայելի պաշտպանության ուժերը կվերսկսեն ինտենսիվ մարտերը, մինչև Համասը վերջնականապես ջախջախվի», – ասել է Նեթանյահուն:
Հիշեցնենք, որ ՀԱՄԱՍ-ի խոսնակ Հուդայֆա Քալութն ասել է, որ Իսրայելը չի կատարել հրադադարի իր պարտավորությունները, ինչի պատճառով էլ շաբաթ օրը նախատեսված պատանդների և գերիների փոխանակումը հետաձգվելու է։ ԱՄՆ նախագահ Դոնալդ Թրամփը հայտարարել է, որ կառաջարկի Իսրայելին չեղարկել հրադադարի համաձայնագիրը, եթե Գազայում գտնվող բոլոր պատանդները մինչեւ շաբաթ օրը ազատ չարձակվեն։