Բենիամին Նեթանյահու – Իրանցի ահաբեկիչ բռնակալները հրթիռային հարձակում են գործել հիվանդանոցի և քաղաքացիական անձանց վրա, մենք Թեհրանի բռնակալներին կստիպենք վճարել ամբողջ գինը
Իսրայելի վարչապետ Բենիամին Նեթանյահուն արձագանքում է Իրանի կողմից Սորոկայի հիվանդանոցի վրա հարձակմանը։
Նա ասել է, որ Իսրայելը Թեհրանի բռնակալներին կստիպի վճարել ամբողջ գինը։
«Այսօր առավոտյան իրանցի ահաբեկիչ բռնակալները հրթիռային հարձակում են գործել Բեեր Շեբայի Սորոկա հիվանդանոցի և քաղաքացիական անձանց վրա։ Մենք Թեհրանի բռնակալներին կստիպենք վճարել ամբողջ գինը», – գրել է Բենիամին Նեթանյահուն։
Հիշեցնենք, որ այսօր առավոտյան Իրանը բալիստիկ հրթիռային հարձակում է իրականացրել Իսրայելի վրա։ Հարձակման հետևանքով վիրավորվել է 65 մարդ։