Բելգրադում կառավարության դեմ լայնածավալ ցույցի ժամանակ ցուցարարների և ոստիկանության միջև բախումներ են տեղի ունեցել
Սերբիայի մայրաքաղաքում կառավարության դեմ լայնածավալ ցույցի ժամանակ ցուցարարները բախվել են ոստիկանության հետ։ Ցուցարարները պահանջում են արտահերթ ընտրություններ և նախագահ Ալեքսանդր Վուչիչի 12-ամյա կառավարման վերջ։
Ռոյթերսի հաղորդմամբ՝ Ներքին գործերի նախարարությունը տասնյակ ոստիկաններ՝ հատուկ սարքավորումներով, տեղակայել է կառավարական շենքերի, խորհրդարանի և մոտակա այգու շուրջ։
Ըստ հաղորդագրությունների՝ բողոքի ակցիայի ավարտից հետո մի քանի ցուցարարներ պայթուցիկներ են նետել ոստիկանության վրա, որոնք օգտագործել են պղպեղի սփրեյ՝ նրանց ցրելու համար։
Ավելի վաղ ուսանողները կառավարությանը վերջնագիր էին ներկայացրել՝ անհապաղ արտահերթ ընտրություններ նշանակելու համար, հակառակ դեպքում, նրանց խոսքով, կսկսեն քաղաքացիական անհնազանդության արշավ։ Իր հերթին, երկրի նախագահը հրաժարվում է բավարարել ցուցարարների պահանջները։