Բաթումիի ոստիկանության գլխավոր վարչության մոտ տեղի ունեցած ցույցի ժամանակ առերեսում է տեղի ունեցել իրավապահների և ցուցարարների միջև։

Ինչպես հայտնում է Առաջին ալիքի լրագրողը, իրավիճակը վերածվել է ֆիզիկական բախման ոստիկանների և ցուցարարների միջև այն բանից հետո, երբ բերման ենթարկվածներից չորսը, այդ թվում՝ մեկ անչափահաս, ազատ են արձակվել, թեև ոստիկանության բաժանմունքի դիմաց բողոքի մեկ մասնակից ձերբակալվել է, ինչը հանգեցրել է ամբոխի դժգոհությանը։ Բողոքի մասնակիցները իրավապահներից բացատրություն են պահանջել, թե ինչու են տեղի ունեցել ձերբակալությունները, որոնք մի քանի անգամ հանգեցրել են բանավոր, ապա ֆիզիկական բախումների։

Ինչ վերաբերում է գրավոր հայտարարության հիման վրա ազատ արձակված չորս անձանց, ապա առերեսման ընթացքում նրանցից մեկը՝ «Բաթումելեբի»-ի հիմնադիր և տնօրեն Մզիա Ամաղլոբելին կրկին ձերբակալվել է։

Ձերբակալվածների թվի մասին պաշտոնական տեղեկություն այս պահին հայտնի չէ։

Ըստ առկա տեղեկությունների՝ Բաթումիում բողոքի ակցիայի ժամանակ բերման ենթարկվածների թվում են «Ուժեղ Վրաստան» կոալիցիայի անդամ, Բաթումիի քաղաքային խորհրդի պատգամավոր Վաժա Դարչիան, ինչպես նաև «Գախարիան հանուն Վրաստանի» երիտասարդական կազմակերպության անդամ Մաթե Ցենտերաձեն։